ழகரக்காரி (தமிழ்த்தாய்)
----------------------------------------------
நாவலன் தீவில் பிறந்து
நானிலம் முழுதும் படர்ந்து
நாவிலே நல்லொலி யாகி
பூவிலே புத்தெழில் கொண்ட
பூவையே போற்றி போற்றி
கபாட புரத்தில் இருந்து
கண்டங்கள் பலவும் கடந்து
பண்டங்கள் போலே நீயும்
அண்டங்கள் அனைத்தும் கண்ட
அன்னையே போற்றி போற்றி
பஃறுளி ஆற்றில் நடந்து
பல்கடற் கோள்களில் மிதந்து
பாவறி வாளர் வளர்த்த
மூவாத ழகரக் காரி
மூத்தவளே போற்றி போற்றி
அகரத்தில் உயிர்த் தெழுந்து
ஆழத்தில் வேர் பதிந்து
ழகரத்தில் அழகு பூண்டு
சிகரத்தில் லமர்ந்து இருக்கும்
செந்தமிழே போற்றி போற்றி.
---- நிலாசூரியன் தச்சூர்
கருத்துகள் இல்லை:
கருத்துரையிடுக